१५ असोजमा पार्टीका अध्यक्ष राजकुमार लेखीले प्रेस विज्ञप्ति जारी गरी असन्तुष्ट दललाई मूलधारमा नल्याई निर्वाचन परिणाममुखी नहुने बताउँदै यस्तो अवस्थामा आफूले भाग नलिने बताएका छन् । उनले भनेकाछन्, “हाम्रो पार्टी निर्वाचनमा सहभागी हुँदैन र बहिस्कारको कुनै कार्यक्रम पनि गर्दैनौं । ”

संकटबाट मुलुकलाई निकास दिन निर्वाचन नै विकल्प रहेको आफ्नो पार्टीको मान्यता रहेको पनि विज्ञप्तिमा उल्लेख छ ।

लेखीले विपक्षी दलहरुको ठूलो तप्कालाई बाहिर राखेर गरिने चुनाव परिणामुखी नहुने भन्दै चुनावले मुलुकमा नयाँ किसिमको द्वन्द्व उत्पन्न हुने चेतावनी पनि दिएका छन् ।

“चार नेता नेतृत्वको प्राइभेट लिमिटेड रुपी उच्चस्तरीय राजनीतिक संयन्त्रले मंसीर ४ को चुनावको तिथिलाई चाडपर्वको तिथिजस्तो अपरिवर्तनीय बनाउन खोज्नाले सार्थक चुनावको सम्भावना टर्दै गएको स्पष्ट छ,” विज्ञप्तिमा उल्लेख छ ।

प्रतिकृया दिनुहोस