पर्साका पाँचवटै निर्वाचन क्षेत्रबाट भेला भएका एमाओवादीका असन्तुष्ट कार्यकर्ता तथा राज्य समितिका सदस्यहरुले वीरगञ्जमा पत्रकार सम्मेलन गरी पार्टीले आगामी संविधान सभा निर्वाचनका लागि अभिनेत्री र पैसावाललाई प्राथमिकता दिएर पाँचवटै निर्वाचन क्षेत्रमा उम्मेदवार चयन गरेको भन्दै आपत्ति जनाएका छन् ।

नवप्रवेशीहरुलाई टिकट दिन गरेको निर्णय नसच्चाए विद्रोह गर्ने पनि उनीहरुले चेतावनी दिएका छन् ।

एमाओवादीले अभिनेत्री रेखा थापा, नेशनल मेडिकल कलेजका बसरुद्धिन अन्सारी र प्रल्हाद गिरीलाई प्राथमिकता दिएर आफ्नो अवमूल्यन गरेको असन्तुष्टको भनाई छ ।

पत्रकार सम्मेलनमा भोजपुरा राज्य समितिका सदस्यहरु सन्तोष घिमिरे, बालकृष्ण श्रेष्ठ, अछेलाल ठाकुर, पारस ठाकुर, शम्भू पाल, अमिताभ बच्चन दास, झक्कड मियाँलगायतको सहभागिता थियो ।
बिम्मी शर्मा, वीरगञ्ज

प्रतिकृया दिनुहोस