रोयल गोर्खा राइफल्समा कार्यरत २८ वर्षीय कार्यवाहक लान्स कर्पोरल गुरुङले करिब ६ महिनाअघि अफगानिस्तानको लस्करगाह नजिकै चौकीमा ड्युटी गरिरहेका बेला विद्रोही तालिवानीले हमला गरेका थिए।

विद्रोहीले प्रहार गरेको ग्रिनेट हेल्मेटमा लागेका गुरुङले आफतर्फ बन्दुक ताक्दै आइरहेका तालिबानीलाई खुकुरी प्रहार गरेर लखेटेका थिए । “म मर्न चाहँदैनथे, उसले केही गर्नुभन्दा पहिले मैले नै केही गर्नुपर्छ भन्ने सोचें र खुकुरीले हान्दै अघि बढे.,” गुरुङले भनेका छन् ।

मिलिटरी क्रस बेलायतमा सेनालाई दिइने तेस्रो ठूलो सम्मान हो ।

त्यस्तै राइफलम्यान बिकास गुरुङ र कार्यवाहक सर्जेन्ट गोविन्द गुरुङको नाम पनि सैनिक सम्मान पाउने सूचीमा रहेको बीबीसीले जनाएको छ।

सम्मानित सैनिकहरुको नाम सार्वजनिक गर्दै बेलायतको स्थल सेनाका कमाण्डर लेफ्टिनेन्ट जनरल सर एड्रियन ब्राडशाले सैनिकहरुको सहास र ब्यवसायिकता छक्कै पार्ने खालको भएको भन्दै उनीहरुलाई आफूले सम्मान गरेको बताएका छन् ।

करिब दुई सय वर्ष देखि नेपालीहरु ब्रिटिश सेनामा भर्ती हुँदै आएका छन्।

प्रतिकृया दिनुहोस