विराटनगरमा २० असोजमा सञ्चारकर्मीसँग कुरा गर्दै एमाले अध्यक्ष झलनाथ खनालले मुलुकको परिवर्तनका लागि निर्वाचन हुनैपर्ने भएकाले दल एवम् जनता बलिदान दिन तयार रहेको बताएका छन् । अध्यक्ष खनालले बारामा एमाले उम्मेदवार महमुद आलममाथि भएको गोली प्रहारको घटना कायरतापूर्ण भएको भन्दै दोषीमाथि कडा कारबाहीको माग गरे ।

निर्वाचन भयरहित बनाउन र उम्मेदवारका लागि कडा सुरक्षाको व्यवस्था गर्न पनि उनले सरकारसँग माग गरे । मुलुक निर्वाचनमा होमिइसकेको र निर्वाचन प्रक्रिया अगाडि बढिसकेकाले कुनै हालतमा पनि निर्वाचनको मिति नसर्ने खनालले स्पष्ट पारेका थिए ।

प्रतिकृया दिनुहोस