तनहुँ क्षेत्र नम्बर २ बाट स्वतन्त्र उम्मेदवारी दिएका तरुण दल सदस्य पूर्णबहादुर गुरुङले आफ्नो उम्मेदवारी फिर्ता लिएनन् । उपसभापति पौडेललाई हराएर आफू उक्त क्षेत्रबाट विजयी हुने गुरुङको दाबी छ ।

संविधान सभामा युवा सहभागिता बढाउन माग गर्दै आएका गुरुङले पार्टीले पुराना पुस्तालाई सम्मान गर्दै नयाँलाई स्थान दिनुपर्नेमा त्यसो नभएकोले आफूले स्वतन्त्र उम्मेदवारी दिएको बताए ।

कांग्रेस महाधिवेशन प्रतिनिधि समेत रहेका गुरुङले पार्टीको नियमअनुसार आफूलाई कारबाही भए त्यो स्वीकार्य हुने समेत बताए । उम्मेदवारी फिर्ताका लागि नेताहरुबाट चर्को दबाब आए पनि आफूले कार्यकर्ताको चाहना अनुसार उम्मेदवारी दिएकाले फिर्ता नलिने उनको भनाई छ ।

यता कांग्रेस केन्द्रीय नेतृत्वले भने गुरुङको उम्मेदवारी फिर्ता गराउन कोशिस गरिरहेको छ । सभापति सुशील कोईराला, उपसभापति पौडेल तथा अन्य नेताहरुले उनलाई उम्मेदवारी फिर्ता गर्न दबाब दिइरहेका छन् ।

गुरुङ पार्टी केन्द्रीय सदस्य खुमबहादुर खड्का निकट मानिन्छन् ।

पवन पौडेल, तनहुँ

प्रतिकृया दिनुहोस