काठमाडौंको महाराजगञ्जस्थित त्रिवि शिक्षण अस्पतालमा भेन्टिलेटरमा राखिएका एमाले केन्द्रीय सदस्य एवम् मुस्लिम इत्तेहाद संगठनका अध्यक्ष महमुद आलमको मध्याह्न १२ बजे मृत्यु भएको अस्पतालले घोषणा गरेको छ ।

अस्पतालमा रहेका एमाले नेताहरुले उनको शव केही बेर पार्टी केन्द्रीय कार्यालय बल्खुमा राखी अन्त्येष्टिका लागि गृहजिल्ला लैजाने बताएका छन् ।

बाराको ४ नम्बर निर्वाचन क्षेत्रबाट संविधानसभा सदस्यको निर्वाचनका लागि उम्मेदवारी दिएका आलमलाई १८ असोजमा बाराको परवानीपुरस्थित चावसती खाद्य उद्योग नजिकै मोटरसाइकलमा आएका अपरिचित व्यक्तिले कञ्चटमा गोली प्रहार गरेका थिए ।

गोली प्रहारबाट गम्भीर घाइते भएका आलमलाई वीरगञ्जमा प्रारम्भिक उपचारपछि हेलिकप्टरबाट काठमाडौं ल्याइएको थियो ।

प्रतिकृया दिनुहोस