दुवै पार्टीका उम्मेदवारसहितका कार्यकर्ताहरुको जुलुश घरदैलो कार्यक्रम गर्न एकैठाउँमा पुगेपछि झडप भएको स्थानियवासीले बताएका छन् ।

घरदैलो कार्यक्रमका लागि नेपाली कांग्रेसका उम्मेदवार रामसरोज यादव र सदभावना पार्टीका उम्मेदवार सञ्जय साह आ–आफ्ना कार्यकर्तासहित कुर्था पुगेका थिए सोही क्रममा दुवै पक्षले एकअर्काविरुद्ध नारावाजी गर्न थालेपछि सामान्य झडप भएको थियो ।

सद्भावनाका कार्यकर्ताले कांग्रेसका नेताहरुको विरोधमा बोलेपछि कांग्रेसीहरुले हात छाडेको र तनाव उत्पन्न भएको प्रहरीले जनाएको छ ।

समयमै प्रहरी पुगेर बिचबचाव गरेपछि घटनाले ठूलो रुप लिन नपाएको धनुषाका प्रहरी निरीक्षक गोविन्द पुरीले बताए ।
उम्मेदवारहरुको घरदैलो कार्यक्रममा झडप हुने सम्भावना बढी भएपछि व्यापक मात्रामा प्रहरी परिचालन गरिएको पुरीले जानकारी दिए ।

मनिका झा, जनकपुरधाम

प्रतिकृया दिनुहोस