१२ कात्तिकमा आयोगको नियमित पत्रकार सम्मेलनमा प्रवक्ता वीरबहादुर राईले मुलुकभर विभिन्न दलले निर्वाचन प्रचारका क्रममा गरेका आचारसंहिता उल्लंघनका घटनामा कारवाही अघि बढाएको बताएका छन् ।

आयोगले आचारसंहिता उल्लंघन गर्नेहरुलाई ध्यानाकर्षण गराएकोसमेत जनाएको छ । आचारसंहिताविपरित जथाभावी टांगिएका होर्डिङबोर्ड, पर्चा पम्प्लेट हटाउने काम भइरहेको, सडक डिभिजन कार्यालय ललितपुरको सरकारी गाडी धनुषा र महोत्तरीमा मतदातालाई पैसा वितरण गर्न प्रयोग भएको उजुरी परेपछि आयोगले स्पष्टिकरण मागरेको प्रवक्ता राईले जानकारी दिए ।

त्यसैगरी आयोगले विगतको निर्वाचनमा ६ प्रतिशतभन्दा बढी मत बदर भएका २२ जिल्लाका विभिन्न क्षेत्रमा विशेष मतदाता शिक्षा कार्यक्रम सञ्चालन गरेको जनाएको छ ।

१५ हजार कर्मचारी खटाएर पा“चथर, झापा, मोरङ, सुनसरी, खोटाङ, भोजपुर, सप्तरी, सिरहा, महोत्तरी, रौतहट, धनुषा, सर्लाही, बारा, पर्सा, नुवाकोट, रुपन्देही, कपिलवस्तु, नवलपरासी, बा“के, बैतडी, दैलेख र कन्चनपुरका केही क्षेत्रमा मतदातालाई प्रभावकारी शिक्षा दिन विशेष कार्यक्रम लागु गरेको राईले बताए ।

आयोगले निर्वाचनअघि वितरण गर्ने गरी मतदाता परिचयपत्र छाप्न शुरु गरेको छ भने प्रत्यक्षतर्फको मतपत्र छाप्ने काम सम्पन्न भएको जनाएको छ । समानुपातितर्फको मतपत्र छपाईको काम भने यसअघि नै सम्पन्न भइसकेको छ ।

प्रतिकृया दिनुहोस