१२ कात्तिक राति १२ बजेपछि दाङको रामपुरमा घर अगाडी पार्किङ गरिएको एमाले उम्मेदवार शान्ता चौधरीको रा १ ज ३६५ नम्बरको महिन्द्रा जीपमा आगजनी भएको छ । आगो कस्ले लगायो भन्न्े खुल्न नसकेको प्रहरीले जनाएको छ ।

“राति १० बजेसम्म त घरमा खाना खाँदा थियौं, पछि सवै कार्यकर्ताहरु सुतेपछि आगो लागेको थाहा भयो ,” चौधरीले भनिन् । गाडीको टायर जलेको छ भन्ने इञ्जन र ब्याट्रीमा क्षति पुगेको छ ।

घटनापछि विहान प्रहरी निरीक्षक राजेन्द्र अधिकारीको नेतृत्वमा पगेको प्रहरी टोलीले अनुसन्धान भइरहेको जानकारी दिएको छ ।

चुनावी प्रचारका लागि बल्लतल्ल जोहो गरिएको शुभेच्छुकको गाडीमा समेत आगो लागेपछि प्रचार प्रसारमा ब्यवधान आएको चौधरीले बताइन् । “मेरो जीत सुनिश्चत हुने देखेर इष्र्याले षडयन्त्र गरिएको हो,” चौधरीले भनिन् ।

धनकुटामा कांग्रेस उम्मेदवारको गाडीमा आगजनी
धनकुटा क्षेत्र नम्बर २ बाट नेपाली कांग्रेसका उम्मेदवार आनन्दसन्तोषी राईले चुनावी प्रचारका लागि प्रयोग गर्दैै आएको गाडीमा पनि आगजनी भएको छ  ।

३३ दलीय मोर्चाको निर्णय अनुसार नेकपा–माओबादी, नेकपा एकीकृत र मञ्च संबद्ध संघीय लिम्बुवान राज्य परिषदका कार्यकर्ताले गाडीमा आगजनी गरेको नेकपा–माओवादी धनकुटा अध्यक्ष सन्देश बिहानीले बताएका छन् ।

यता जिल्ला प्रहरी कार्यालय धनकुटाका प्रवक्ता डिएसपी रामेश्वर कार्कीले आगजनी गर्ने समुहको पहिचान नभएको भन्दै खोजी कार्य जारी राखिएको बताएका छन् । आागजनी भएको स्थान जिल्ला प्रहरी कार्यालय धनकुटाबाट करिव एक सय मीटरको दुरीमा मात्र रहेको छ ।

आगजनीबाट राईले प्रयोग गर्दै आएको मे १ ज २३७ नम्बरको गाडीको टायर, तथा मुनिको भागमा क्षति पुगेको छ । मंगलबार घोर्लिखर्क गाबिसमा चुनावी अभियान सकेर धनकुटा नगरपालिका नपा–७ संगमचोकस्थित राईकै निवास नजिक राखिएको अवस्थामा गाडीमा आगजनी भएको हो ।

राती नै आगजनी भए पनि बिहान मात्र थाहा पाएको गाडी चालक थरेन्द्र पोख्रेलले बताए ।

सन्तोष रुचाल, धनकुटा र गजेन्द्र बोहरा, दांग

प्रतिकृया दिनुहोस