हुलाक सेवा विभागमा १३ कात्तिकमा आयोजित कार्यक्रममा सूचना तथा सञ्चार मन्त्री माधवप्रसाद पौडेलले साहित्यकार डायमन शम्शेर राणा, कवि केवलपुरे किसान, राजनीतिज्ञ रुपचन्द्र विष्ट, फुटवल खेलाडी रुपकराज शर्मा, सङ्गीतकार रामशरण दर्नाल र धादिङको बत्सलादेवी भगवतीको आकृति अङ्कित हुलाक टिकटमा प्रथम दिवसीय टाँचा लगाएका छन् ।

साहित्यकार राणाको रु २०, संगीतकार दर्नाल र खेलाडी शर्माको रु १०, कवि किसानको रु ५, राजनीतिज्ञ विष्टको रु ५ र भगवती मन्दिरको रु १ को टिकट प्रकाशन गरिएका हुन् । १० लाखप्रति छापिएका सबै टिकटहरुको आकृति कलाकार पूर्णकला लिम्बूले तयार पारेकी हुन् ।

कार्यक्रममा मन्त्री पौडेलले टिकट प्रकाशन भएका व्यक्तित्वहरु देशका गहना र सपूत भएको बताउँदै उनीहरुले पु¥याएकोे योगदानको कदर गरिएको बताए ।

उनले आफू मन्त्री भएपछि हुलाक टिकट प्रकाशनबारे नयाँ निर्देशिका जारी गरेको बताउँदै देहावसान भएको १० वर्षपछि मात्रै व्यक्तित्वको नाममा टिकट प्रकाशन गर्न पाइने निर्देशिकामा रहेको जानकारीे दिए ।

रासस

प्रतिकृया दिनुहोस