अघिल्लो संविधानसभा निर्वाचनमा आफूलाई देशको राष्ट्रपतिको दावेदार बनाएका एमाओवादी अध्यक्ष पुष्पकमल दाहालले यसपटक फेरि आफू राष्ट्रकै नेता हुन चाहेको बताएका छन् ।

चुनावी प्रचारका लागि १५ कात्तिकमा तनहुँ आएका दाहालले दमौलीमा आयोजित चुनावी कार्यक्रमलाई सम्बोधन गर्दै देशभरका जनताले आफ्नो पार्टीप्रति विश्वास गरेको देखिएको र आफू राष्ट्रिय नेताका रुपमा स्थापित हुने दावी गरे ।
एकपटक प्रधानमन्त्री भएर मुलुकको नेतृत्व गरिसकेको दाहालले भने, “मेचीदेखि महाकालीसम्मका जनताले हाम्रो पार्टीप्रति विश्वास गरेका छन्, अब जनताले एमाओवादीलाई नेतृत्वमा हेर्न चाहेको छ ।”

समतामुलक आर्थिक समृद्धिका लागि एमाओवादीले देशको नेतृत्व गनुपर्छ भन्ने जनताको चाहना रहेको भन्दै उनले त्यसको अध्यक्षको हैसियतले आफूलाई जिम्मेवारी दिन जनता

दाहालको तनहुँ र लगत्तै गोरखामा तय भएको कार्यक्रम विथोल्नका लागि नेकपा–माओवादीले आह्वान गरेको यातायात बन्दका बावजुद कडा सुरक्षाबीच उनी तनहुँ आएका थिए ।

जिल्लाको बेलचौतारा, दमौली, डुम्रे र आँबुखैरेनीमा आयोजित छुट्टाछुट्टै कार्यक्रममा सहभागिता जनाएका दाहाललाई रोक्ने एमाओवादीका कार्यकर्ताहरु सडकमा निस्कन भने सकेनन् । दाहालको सुरक्षाका लागि नेपाल प्रहरी र शसस्त्र प्रहरीले राजमार्ग क्षेत्रभर कडा पहरा दिएको थियो ।

‘वर्दिधारीको नेता’
नेकपा–माओवादीले दाहाललाई ‘जनताको होइन वर्दीधारीको नेता’ भएको बताएको छ ।

आफूलाई ‘जननेता’ भनाउन रुचाउने दाहाल वर्दिधारी सुरक्षाकर्मीको हुल बाँधेर जिल्लामा आउनुले उनी सैनिकिकरणतर्फ जान लागेको पुष्टि भएको नेकपा–माओवादीका जिल्ला सेक्रेटरी अतिन्द्रकेशरी न्यौपानेले बताए ।

तनहुँमा दाहालको कार्यक्रम सकिएसंगै यातायात बन्द पनि फिर्ता भएको माओवादीले विज्ञप्ति जारी गर्दै जनाएको छ ।
पवन पौडेल, तनहुँ

प्रतिकृया दिनुहोस