२० कात्तिकमा झापाको काकडभिट्टामा आयोजित चुनावी सभालाई सम्बोधन गर्दै अध्यक्ष दाहालले नेपाली कांग्रेस र नेकपा एमालेलाई मुलुक चलाउन नसकेको आरोप लगाउँदै आगामी निर्वाचनमा आफ्नो दलले हार्दा देशलाई नोक्सान पुग्ने दाबी गरेका छन् ।

दाहालले भने, “क्रान्तिकारी पार्टीले हार्दा देशलाई बेफाइदा हुन्छ ।” निर्वाचन प्रचार केन्द्रित ‘मेची–महाकाली राष्ट्रिय जागरण अभियान’को झापाको काकडभिट्टामा उद्घाटन गर्दै दाहालले आफ्नो दललाई दुईतिहाई बहुमतले जिताउन मतदातासँग आग्रह गरे ।

कार्यक्रममा एमाओवादी नेता बाबुराम भट्टराईले मुलुकको आर्थिक विकासका लागि आफ्नो पार्टी मात्रै सक्षम भएको दाबी गरे । उनले भने, “अरुसँग आर्थिक बिकासको योजना छैन रहेछ ।”

माओवादी उपाध्यक्ष नारायणकाजी श्रेष्ठले २०६३ सालमा प्राप्त जनताको अधिकार सुनिश्चित गर्न एमाओवादीले बहुमत ल्याउनै पर्ने जिकिर गरे ।

एमाओवादी नेताहरुले आजै झापाका बिर्तामोड, दमक र मोरङका उर्लाबारी, पथरी, बेलबारी लगायतका आठ ठाँउमा सभालाई सम्बोधन गर्ने कार्यक्रम छ ।

गोपाल गडतौला, झापा

प्रतिकृया दिनुहोस