नेकपा—माओवादीका झापा कार्यालय सचिब बालकृष्ण बुढाथोकी, झापा अनारमनी गाँउ कमिटी सेक्रेटरी पृथ्बी न्यौपाने र जिल्ला कमिटी सदस्य आलम राजबंशीलाई प्रहरीले २० कात्तिकमा झापाबाट पक्राउ गरेको छ ।

उनिहरुलाई प्रहरीले सोमबार अबेर अलग अलग ठाँउबाट पक्राउ गरेको थियो । यसअघि १८ कात्तिकमा नेकपा—माओवादीका झापा इन्चार्ज डिल्ली घिमिरे काकडभिट्टाबाट पक्राउ परेका थिए ।

१७ कात्तिकमा झापाको बनियानीमा एमाओवादी नेताहरु चुनावी सभालाई सम्बोधन गर्न आउने भएपछि सडकमा अवरोध गरी एउटा बसमा आगजनीको प्रयास भएको थियो । त्यसपछि माओवादी कार्यकर्तामाथि निगरानी बढाएको प्रहरीले नेकपा—माओवादीका कार्यकर्ताहरुले पक्राउ गर्ने क्रम बढाएको छ ।
ताप्लेजुङमा ओवादीका ६ कार्यकर्ता पक्राउ
प्रहरीले ताप्लेजुङबाट नेकपा—माओवादीका ६ जना कार्यकतालाई पक्राउ गरेको छ ।
निर्वाचन प्रचारका लागि हिंडेका एमाओवादीका उम्मेदवारसहित कार्यकर्ताहरुमाथि आक्रमणमा संलग्न भएको आरोपमा ६ जना नेकपा– माओवादी कार्यकतालाई प्रहरीले २० कात्तिकमा पक्राउ गरेको छ ।
जिल्ला प्रहरी कार्यालय ताप्लेजुङले ८ कात्तिकमा मेहेले गाविसमा एमाओवादी उम्मेदवार सञ्चपाल मादेनले आफू माथि आक्रमणमा संलग्न भएको भन्दै १८ जनाविरुद्ध जाहेरी दिएपछि प्रहरीले नेकपा–माओवादीका कार्यकर्ता पक्राउ गरेको हो ।
पक्राउ परेकाहरुलाई ज्यान मार्ने उद्योग अन्तर्गत मुद्दा चलाउने र फरार हरुको खोजी कार्य तिब्र पारिएको प्रहरी नायव उपरीक्षक गोविन्द आचार्यले जानकारी दिएका छन् ।

गोपाल गडतौला, झापा / राजेन्द्र श्रेष्ठ, ताप्लेजुङ

प्रतिकृया दिनुहोस