फाइल तस्वीर: ३० भदौमा काभ्रेको बनेपामा नेकपा-माओवादीले आगो लगाएको बस ।

सर्लाहीबाट काठमाडौं जाँदै गरेको ना ४ ख ४७३४ नम्बरको बस चितवनको कविलास पुगेपछि डाँडामाथिबाट पेट्रोलसहित आगो फालिएपछि बसमा आगो दन्कियो भने यात्रुहरुले हाम फालेर ज्यान बचाए । उक्त बसलाई प्रहरीले स्कर्टिङ्ग गरिरहेको थियो ।

२५ कात्तिक राति १ बजे चितवनको कविलास नजिक बसमा आगजनी हुँदा बस क्षतिग्रस्त भएको तर मानवीय क्षति भने नभएको जिल्ला प्रहरी कार्यालय चितवनका प्रहरी नायव उपरीक्षक सञ्जय रातउले जानकारी दिएका छन् ।

डाँडामा ५–६ जना जना व्यक्ति देखिएको र उनिहरुले बसको पछाडिको भागमा आगोको मुस्लो फालिदिएको प्रहरी चौकी जुगेडीका इन्चार्ज कृष्ण बहादुर थापाले बताए । स्कर्टिङ्ग गाडी भन्दा बस पछाडि भएकाले जल्नबाट रोक्न नसकिएको प्रहरीले जनाएको छ । जलेको बस अहिले जिल्ला प्रहरी कार्यालय चितवनमा राखिएको र यात्रुहरुलाई अन्य गाडीबाट गन्तव्यतर्फ पठाइएको छ ।

नेकपा–माओवादीका जिल्ला सेक्रेटरी मुधर नेपालले भने घटनामा आफ्नो संलग्नता नरहेको बताएका छन् ।

सविता श्रेष्ठ चितवन

प्रतिकृया दिनुहोस