एमाओवादीका कार्यकर्ता सुरेश थापाको नेतृत्वमा आएको समूहले आक्रमण गर्दा ओखलढुंगामा नेपाली कांग्रेस महासमिति सदस्य जितेन्द्रबहादुर कार्कीसहित चार जना कार्यकर्ता गम्भीर घाइते भएको कांग्रेस ओखलढुंगाले जनाएको छ ।

आक्रमणमा घाइते हुनेमा कांग्रेस महासमिति सदस्य कार्की, जिल्ला कार्यसमिति सदस्य अजय लुईटेल र क्षेत्र नं २ का सचिव वद्री कार्की र नेपाल विद्यार्थी संघका जिल्ला नेता घाइते भएका छन् ।

चुनाव प्रचार सकेर सुतीरहेको अवस्थामा २७ कात्तिक राति ११ बजे थापा नेतृत्वको समूहले आक्रमण गरेको नेपाली कांग्रेस ओखलढुङ्गा क्षेत्र नं २ का उम्मेदवार रामहरि खतिवडाले जानकारी दिए । आक्रमणपछि एमाओवादीका कार्यकर्ताले उनीहरुसँग रहेका ७ वटा मोवाईल सेट समेत लुटेर लगेको खतिवडाले बताए ।

प्रतिकृया दिनुहोस