गोरखाको खैरेनीमा एमाओवादी कार्यकर्ताले यात्रुलाई रोकेका छन् । जिल्ला बाहिरबाट गोरखाबजार गइरहेका यात्रुलाई उनीहरुले गोरखाको खैरेनीमै रोकेका हुन् ।

‘लालकिल्लामा प्रवेश गर्न नपाईने’ भन्दै एमाओवादी कार्यकर्ताले जिल्ला प्रवेशमा रोक लगाइरहेको यात्रुले बताएका छन् । जिल्ला बाहिरबाट मतदानका लागि गोरखा गइरहेकालाई लक्षित गर्दै उनीहरुले गाडी नै रोकेका हुन् ।

उनीहरुले १ मंसिर बिहानैदेखि यात्रु र गाडी रोकिराखेका छन् । अगुवा प्रहरी चौकी अगाडी १३– १४ जनाको समूहले सडक अवरोध गरिरहँदा पनि प्रहरी भने मौन रहेको यात्रुले गुनासो गरे ।

हातमा लठ्ठी लिएका एमाओवादी कार्यकर्ताले बिहानैदेखि सडक अवरोध गर्दा यात्रु भने घर जान पाइरहेका छैनन् । उनीहरुले अरु दलका समर्थकलाई रोक्न सक्रियता देखाएको यात्रुले बताएका छन् ।

रामजी दाहाल, गोरखा

प्रतिकृया दिनुहोस