रानीनगरबासी आरपी उपाध्यायले दिएको जानकारी अनुसार ३१ असारमा भएको दुर्घटनामा १० महिला र एक वालक सहित ३६ जनाको ज्यान गएको हो  । बस सडकबाट नहरमा पल्टिएको थियो । जिल्ला प्रहरी कार्यालय नवलपरासीका प्रहरी उपरीक्षक ज्ञानविक्रम शाहले दिएको जानकारी अनुसार लु १ ख २३५६ नम्वरको उक्त बस गुठी परसौनी गाविसको झुलनपुरदेखि त्रिवेणी जाँदै थियो । चालक बिष्णु गुरुङ्ग त्रिबेणी प्रहरीको  नियन्त्रणमा रहेका छन् । दुर्घटनामा ज्यान गुमाउने अधिकांश  भारत उत्तर प्रदेशको महाराजगञ्ज जिल्लाका रहेकाले  उनीहरुको पहिचानमा समस्या भएको छ ।

बसमा करिव ७० जना रहेको अनुमान गरिएको छ । नहरमा पानी अत्यधिक रहेका कारण हराइरहेका अन्य यात्रुहरुको खोजी कार्यमा कठिनाई भएको प्रहरीले जनाएको छ । बसमा क्षमताभन्दा बढी यात्रुहरु रहेको र तीव्र गतिका कारण वस दुर्घटना भएको जनाइएको छ ।  भारतको उत्तर प्रदेश सिचाईका लागि लगिएको मुख्य पश्चिमीनहरमा बस खसेकाले केही बनाएर गण्डक सुरजपुरा पावर लगेको आशंकामा खोजी कार्य जारी छ ।

मुकेश पोखरेल र विद्रोही गिरी, नवलपरासी

प्रतिकृया दिनुहोस