शिवमन्दिरनजिक रहेको धौलागिरि सुनाचाँदी पसलमा पुगेका तीनजनाको समूहले लुटपाट गर्दैछ भन्ने विशेष सुराकीका आधारमा गोङ्गबु प्रहरी चौकीबाट खटिएको प्रहरी नायब निरीक्षक दीर्घ बोगटीको टोली लुटेरालाई पक्राउ गर्न सफल भएको हो ।

महानगरीय प्रहरी परिसर हनुमानढोकाका प्रवक्ता धीरजप्रताप सिंहले सुनचाँदी पसलमा लुट्न पुगेका तीनमध्ये दुईलाई प्रहरी टोलीले घटनास्थलबाटै पक्राउ गर्न सफल भएको जानकारी दिए । घटनास्थलमा पुग्न केही ढिलो गरिएको भए लुटेरा सुनचाँदी पसल लुट्न सफल हुने भन्दै उनले समयमा प्रहरीको टोली पुगेपछि लुटेरा एक राउन्ड फायर गरेर भाग्न खोजेको र प्रहरीले घेराबन्दी गरी पक्राउ गर्न सफल भएको बताए ।

पक्राउ पर्नेमा भारत समष्टिपुर घर भई हाल गोङ्गबु बस्दै आएका रमेश ठाकुर र रञ्जित सिंह छन् । प्रहरीले उनीहरुको साथबाट एउटा पेस्तोल, एउटा रिभल्बर र तिनका चार/चार गोलीसमेत बरामद गरेको छ । प्रहरीले भाग्न सफल एक भारतीयको खोजी भइरहेको जनाएको छ ।

प्रतिकृया दिनुहोस