तनहुँमा एचआईभी एड्स रोगका कारण १७ जनाको मृत्यु भएको छ । जिल्ला एड्स समन्वय समिति तनहुँले १६ मंसीरमा सार्वजनिक गरेको तथ्यांकअनुसार तीन वर्षको अवधिमा १७ जनाको मृत्यु भएको हो ।

मृत्यु हुनेमा १२ पुरुष र ५ महिला छन् । समितिकाअनुसार तनहुँमा २८५ जनामा एचआईभीको संक्रमण देखिएको छ ।

यस्तो संक्रमण हुनेमा १२१ युवावस्थाका पुरुष र १३६ महिला छन् । अभिभावकको संक्रमण उनीहरुका सन्ततिमा पनि सरेको पाइएको छ । १६ बालक र १२ बालिकामा यस्तो संक्रमण पाईएको छ ।

एचआईभी संक्रमणमा परेकामध्ये १०१ जनाले नियमित रुपमा एचआईभी विरुद्धको प्रतिरोध क्षमता बढाउने एन्टी रेट्रो भाईरल थेरापी सेवा लिईरहेको समितिका सदस्य श्रीराम कंडेलले जानकारी दिए । समितिले दमौली अस्पताल परिसरमै यस्तो सेवाको व्यवस्था गरेको छ ।

पवन पौडेल, तनहुँ

प्रतिकृया दिनुहोस