जिल्ला अदालत बाराले एमाले नेता महमुद आलमको हत्या अभियोगमा पक्राउ परेका पूर्व सभासद रामचन्द्र प्यासी कुशवाहासहित तीन जनालाई पुर्पक्षका लागि थुनामा राख्न आदेश दिएको छ । जिल्ला अदालत बाराका न्यायाधीश तेजेन्द्रप्रसाद सापकोटाको एकल इजलासले कुशवाहासँगै भारतीय नागरिक अतिक खान र राजु श्रीवास्तवलाई थुनामा राख्न आदेश दिएको हो ।

उपलब्ध प्रमाणका आधारमा तीनै जना आलमको हत्याको घटनामा संलग्न देखिएकाले न्यायाधीशले तारेखमा छोड्न नमिल्ने आदेश दिएको बुझिएको छ ।

मुस्लिम ईतेहाद संगठनका अध्यक्ष समेत रहेका एमालेका केन्द्रीय सदस्य आलममाथि १८ कातिकमा गोली प्रहार भएको थियो । उनको उपचारको क्रममा २४ कात्तिकमा काठमाडौंमा निधन भएको थियो ।

श्याम गुप्ता, बारा

प्रतिकृया दिनुहोस