नेपाली सेनाको एमआई सेभेन्टीन एनए ०५३ हेलिकप्टरमा आएको मन्त्रिपरिषद अध्यक्ष खिलराज रेग्मी सहितको टोली पाथीभरा मन्दिरमा पुगी पूजाअर्चना गरी फर्केको जिल्ला प्रशासन कार्यालयले जनाएको छ ।

अध्यक्ष रेग्मीको सुरक्षार्थ पाथीभरामा नेपाली सेना, सशस्त्र प्रहरी, नेपाल प्रहरीको टोली खटिएको थियो ।

यसअघि निर्वाचनको मुखैमा प्रमुख निर्वाचन आयुक्त निलकण्ठ उप्रेती, अर्थ मन्त्री शंकर कोईरालालगायतले पनि पाथिभरा देवीको दर्शन गरेका थिए ।

पाथीभरामा तत्कालिन राजादेखि प्रजातान्त्रिक सरकारका प्रधानमन्त्रीहरु पनि आउने गरेका छन् । पाथीभराको दर्शनपछि रेग्मी सहितको टोली भोजपुरको लेगुवामा निर्मित पूल उद्घाटन गर्न गएको प्रमुख जिल्ला अधिकारीले जानकारी दिए ।
राजेन्द्र श्रेष्ठ, पाँचथर

प्रतिकृया दिनुहोस