नेल्सन मण्डेलाको सम्मानमा जोहान्नेसबर्गस्थित एक चर्चमा मैनवत्ति बाल्दै महिला छोराछोरीका साथमा । तस्वीर: एपी

संयुक्त राष्ट्रसंघका महासचिव वान की मुन दक्षिण अफ्रिकाका पूर्व राष्ट्रपति नेल्सन मन्डेलाको शोक सभामा उपस्थितिको लागि त्यसतर्फ जान लागेको संयुक्त राष्ट्रसंघले जानकारी दिएको छ ।

अमेरिकी राष्ट्रपति बाराक ओबामा पनि मन्डेलाको शोकसभा र अन्येष्टिमा उपस्थित हुने भएका छन् ।
मन्डेलाप्रति श्रद्धाञ्जलि प्रकट गर्न र उनको शोकसभामा सहभागी हुन विश्वका विभिन्न राष्ट्रबाट राष्ट्रपति, प्रधानमन्त्री, धार्मिक नेताहरू र उच्चस्तरीय व्यक्तित्वको उपस्थित हुने बताइएको छ ।

५ डिसेम्बरमा निधन भएका मन्डेलाको पार्थिव शरिरलाई जोहानेस्बर्गस्थित ९४ हजार सिटको क्षमता ‘सिटी स्टेडियम’ मा राखिएको छ ।

विश्वप्रसिद्ध प्रजातन्त्रवादी नेता एवम् रङ्गभेद विरोधी विश्व आन्दोलनका प्रमुख अग्रणी दक्षिण अफ्रिकी नेता नेल्सन मण्डेलाको ९५ वर्षको उमेरमा गत डिसेम्बर ५ का दिन निधन भएको थियो ।

राजकीय सम्मानका साथ उनको अन्त्येष्टि १५ डिसेम्बरमा गरिने दक्षिण अफ्रिकी राष्ट्रपति ज्याकब जुमाले बताएका छन् । मण्डेलाको अन्त्येष्टिका लागि दश दिनको कार्यक्रम सार्वजनिक गरिएको छ ।

एएफपी

युगकै नेता मडिबा

प्रतिकृया दिनुहोस