भक्तपुरको छालिङ गाविसमा ३० मंसीरमा आयोजित कार्यक्रममा बोल्दै विजुक्छेले वर्तमान राजनीतिक अन्योलताको अन्त्यका लागि राष्ट्रपतिले नै मध्यमार्गीको भूमिका निर्वाह गरेर अगाडि बढ्नु पर्ने बताएका हुन । उनले निर्वाचनको परिणामपछि आत्तिएका केही दलले निर्वाचन परिणामको विषयलाई लिएर उच्चस्तरीय छानबिन आयोग गठनको माग गरेर देशलाई अनिर्णयको बन्दी बनाउन खोजेको बताए ।

नेता विजुक्छेले अबका दिनमा पनि विभिन्न बहानामा राजनीतिक दलहरु अलमलिने हो भने फेरि पनि संविधान नबन्ने ठोकुवा गरे । उनले भने, “विदेशीको हस्तक्षेप बढ्दो छ, फेरि पनि विदेशीको तालमा नै दलहरुले नाचिरहने र राष्ट्रपति एवम् प्रधानमन्त्री कसलाई बनाउने भन्ने विषयमा अल्झेर बसै जनताले फेरि पनि संविधान पाउँदैन ।” रासस

प्रतिकृया दिनुहोस