नेपाली कांग्रेसको जारी केन्द्रीय समितिको बैठकमा सभापति सुशील कोइरालाले एमालेलाई छाडेर एमाओवादीसँग मात्रै सहमति हुन लागेको भन्ने हल्लामात्रै भएको प्रष्ट पारेका छन् ।

पार्टी कार्यालय सानेपामा ४ पुषमा बसेको केन्द्रीय समितिको बैठकमा नेताहरुले कांग्रेस(एमाओवादी सहमति नजिक भएको समाचारबारे प्रश्न उठाएका थिए ।

सभापति कोइरालाले एमाओवादी अध्यक्ष पुष्पकमल दाहालसँग छलफल भए पनि कुनै सहमति नभएको भन्दै दाहाललाई उच्चस्तरीय राजनीतिक समितिको संयोजक बनाउने, एमाओवादीसँग मिलेर सरकार गठन गर्ने जस्ता कुनै सहमति नभएको बताए । यद्दपी उनले छलफल सकारात्मक भएको जानकारी दिएका थिए ।

आफू सबै दलसँग सहमति गरेर अघि बढ्ने प्रयासमा रहेको भन्दै कोइरालाले एमालेलाई छाडेर अघि बढ्ने आफ्नो मनसाय नभएको बैठककका सहभागीलाई जानकारी गराएको कांग्रेसका एक केन्द्रीय सदस्यले बताए ।

बैठकपछि नेता रामशरण महतले कांग्रेस र एमाओवादीबीच सहमति भएको भन्ने कुरामा कुनै सत्यता नभएको बताए ।

प्रतिकृया दिनुहोस