पर्सा, निर्मलबस्ती–६ बस्ने ३५ वर्षीय महिलालाई बैदेशिक रोजगारको लागि साउदी अरब पठाई दिन्छु भन्दै भारततर्फ लैजांदै गरेका दुई भारतीय नागरिकलाई पर्सा प्रहरीले ७ पुसमा पक्राउ गरेको छ ।

आरोपीद्वयले ५ पुस साँझबाट ती महिलालाई पटक पटक फोन गरी ललाइफकाई बीरगञ्जको घण्टाघर बोलाएर भारततर्फ लगिरहेको बेला नेपाल–भारत सीमास्थित ईनर्वा प्रहरी चौकी र माईती नेपालको टोलीले पक्राउ गरी महिलालाई उद्दार गरेको छ ।

पक्राउ पर्नेमा भारतको विहार बेतिया जिल्ला ईनरुवा थाना बस्ने ३८ वर्षीय ओमप्रकाश साह र पूर्वी चम्पारण रक्सौल बस्ने ३८ वर्षीय राजकिशोर महतो रहेका छन् ।

दुबैलाई कारवाही गर्न आवश्यक अनुसन्धान अघि बढाइएको पर्सा प्रहरीले जनाएको छ ।

बिम्मी शर्मा, वीरगञ्ज

प्रतिकृया दिनुहोस