क्षेत्रीय ट्राफिक कार्यालय, कोहलपुरले पाँच महिना अवधिमा मध्यपश्चिममा २२३ वटा सडक दुर्घटना भएको जनाएको छ । दुर्घटनामा ९८ जनाको मृत्यु भएको छ । २२२ जना घाइते भएको कार्यालयको भनाई छ ।

मध्यपश्चिम क्षेत्रका १५ जिल्लामध्ये सबैभन्दा बढी सडक दुर्घटना दाङमा भएको छ । त्यहाँ पाँच महिनाको अवधिमा ३३ जनाको मृत्यु भएको कार्यालयले जनाएको छ । तर, हिमाली जिल्ला जुम्लामा भने कुनै पनि सडक दुर्घटना भएको छैन ।

सवारी चालकको लापरबाही, क्षमताभन्दा बढी यात्रु र मालसामान राख्नु, चालकले मदिरा सेवन, ट्राफिक नियमको पालना नगर्नु लगायतका कारणले सवारी दुर्घटना हुने गरेको कार्यालयका प्रमुख प्रहरी नायब उपरीक्षक ओम पौडेलले बताए ।

प्रतिकृया दिनुहोस