एमाले मुख्यालय मदननगर बल्खुमा १० साउनमा बसेको बैठकमा प्रतिपक्षी दलका नेताहरुले सरकार आफै असंवैधानिक भईसकेको अवस्थामा घोषणा गरेको चुनावको मिति सार्नु वा नसार्नुको कुनै अर्थ नहुने धारणा राखेका हुन । कानुनी र संवैधानिक जटिलता समाधान भइनसकेको भन्दै एमाओवादी र मधेशी मोर्चाले बिहान गरेको सहमति अनुसार एमाओवादीले छलफलमा चुनाव सार्ने प्रस्ताव गरेका थिए ।

बैठकमा ठोस सहमति नभएपनि राजनीतिक निकासका लागि निरन्तर छलफल गर्ने सहमति भएको कांग्रेस नेता रामशरण महतले जानकारी दिए ।
एमाओवादी उपाध्यक्ष तथा उपप्रधानमन्त्री नारायणकाजी श्रेष्ठले पनि वर्तमान गतिरोध अन्त्यका लागि नयाँ शिराबाट छलफल गर्ने सहमति भएको बताए ।

बैठकपछि एमाले सचिव शंकर पोखरेलले सकेसम्म संविधानका विवादित विषयमा सहमति गर्ने नभए प्रकृयाका बारेमा छलफल गरेर अघि बढ्नु पर्नेमा जोड दिए ।

प्रतिकृया दिनुहोस