एमाओवादी नेता वर्षमान पुनले सत्ता चलखेलमा नलाग्ने बताएका छन् । नेपाली कांग्रेस नेतृत्वको सरकारलाई बाहिरै बसेर बिना सर्त समर्थन गर्ने भन्दै उनले सरकारमा जाने तथा सत्ता चलखेलमा एमाओवादी नलाग्ने बताएका हुन् ।

रिपोर्टस क्लबले राजधानीमा १० पुसमा गरेको साक्षात्कारमा उनले एमाओवादी सत्ता चलखेलमा नलागी एक वर्षभित्र संविधान निर्माण गर्ने अभियानमा जुट्ने प्रतिवद्धता व्यक्त गरे । उनले भने, “नयाँ जनादेश आएपछि राष्ट्रपति र उपराष्ट्रपतिको विषयमा प्रश्न उठ्नु स्वभाविक हो । तर, संविधान निर्माणको काम छाडेर दलहरु त्यत्तातिर लाग्नु उचित हुँदैन ।”

उनले दलहरु संविधान निर्माणमै केन्द्रित हुनुपर्नेमा जोड दिए । उनले समानुपातिकतर्फको सभासदको नाम तय गर्न एमाओवादीले छलफल थालेको बताए । उनले भने, “निर्वाचन आयोगले थपेको समयावधिमै हामी समानुपातिक नाम बुझाउँछौं ।”

प्रतिकृया दिनुहोस