धनगढीमा ११ साउनमा आयोजित पार्टी कार्यकर्ता भेलामा बोल्दै सभापति कोइरालाले सबै पार्टीको सहभागितामा गठन हुने राष्ट्रिय सहमतिको सरकारले मात्रै राजनीतिक समस्याहरुको समाधान गर्न सक्ने स्पष्ट पारे । कोइरालाले एमाओवादी र एमालेले दुइ-दुइ पटक सरकारको नेतृत्व गरिसकेको प्रसङ्ग उल्लेख गर्दै अबको राष्ट्रिय सरकारको नेतृत्व गर्न कांग्रेसले पाउनुपर्ने बताए । सरकारको नेतृत्व कसले गर्ने भन्नेमा कांग्रेसभित्र कुनै विवाद नहुने कोइरालाको भनाई छ ।

माओवादी नेतृत्वप्रति लक्ष्यित गर्दै सभापति कोइरालाले एकपछि अर्को गर्दै सम्झौता र सहमतिहरु गर्ने तर कार्यान्वयन नगर्ने उसको रवैयाले मुलुकमा समस्या आएको बताए । माओवादीको धोकाघडीको चाल अब धेरै दिन नचल्ने र उसले प्रजातन्त्रको बाटोमा आउनैपर्ने उनको भनाइ थियो ।

प्रतिकृया दिनुहोस