सुनसरीको भन्टाबारीमा १७ पुस राति पौने ९ बजे टाटा सफारी जीप र ट्रक जुध्दा सिरहा मिर्चैयाका ज्ञानकुमार साह, संजीव साह, मुकेश गुप्ता, रितेश साह, रामेश्वर साह, मोहन थपलिया, श्यामकुमार साह, सिरहा धनगढीका वीरेन्द्र साह, रामनगरका सन्तोष नायक र राजाराम साहको मृत्यु भएको छ ।

दुर्घटनामा गम्भीर घाइते भएका मिर्चैया– ७ का ज्ञानकुमार महतोको धरानस्थित बीपी कोइराला स्वास्थ्य विज्ञान प्रतिष्ठानमा उपचार भइरहेको प्रहरीले जनाएको छ । पूर्व क्षेत्रीय प्रहरी कार्यालयले  विपरीत दिशाका गाडी एक आपसमा जुध्दा दुर्घटना भएको जनाएको छ ।

राति १० बजेपछि मात्र मर्नेहरूको सनाखत भएको थियो । प्रहरीका अनुसार ईलामबाट बनभोज खाएर आउँदै गरेको बा ८ च ४९८० नम्बरको सफारी जीप र पश्चिमबाट पूर्व आउँदै गरेको ना२ख ८८३१ नम्बरको ट्रक जुध्दा दुर्घटना भएको हो ।

कमल रिमाल, विराटनगर

प्रतिकृया दिनुहोस