अख्तियार दुरुपयोग अनुसन्धान आयोगका प्रमुख लोकमानसिंह कार्कीलाई प्रश्न सोधेपछि पक्राउ परेका पत्रकार सामु सीडीओ गणेशराज कार्की र एस्पी विश्वराज पोखरेलले माफी मागेपछि धर्नामा बसेका पत्रकार जिल्ला प्रकाशन कार्यालयबाट बाहिरिएका छन् ।

सुपारी तस्करी खुल्ला गरेको विषयमा प्रश्न सोधेसँगै अख्तियार प्रमुख लोकमानसिंह कार्कीले अपशब्द प्रयोग गरेपछि बिरोधमा उत्रिएका २५ जना पत्रकारलाई प्रहरीले २८ पुसमा पक्राउ गरेको थियो ।

अख्तियार दुरुपयोग अनुसन्धान आयोगका प्रमुख लोकमानसिंह कार्कीलाई प्रश्न सोधेपछि २८ पुसमा पक्राउ परेका पत्रकारहरु । तस्वीरः कमल रिमाल/विराटनगर

___________________________________________________________________________________

प्रश्न सोध्दा २५ पत्रकार पक्राउ

अख्तियार दुरुपयोग अनुसन्धान आयोगका प्रमुख लोकमानसिंह कार्कीलाई प्रश्न सोध्ने २५ जना पत्रकारलाई प्रहरीले पक्राउ गरेको छ । जिल्ला प्रशासन कार्यालय मोरङले २८ पुसमा गरेको पत्रकार सम्मेलनको क्रममा प्रश्न सोध्ने पत्रकारलाई प्रहरीले पक्राउ गरेको हो ।

प्रहरीले पक्राउ गर्ने क्रममा तीन जना पत्रकार घाइते भएका छन् । घाइते पत्रकार धर्मराज ढकालको विराटनगरस्थित कोशी अञ्चल अस्पतालमा उपचार भइरहेको छ । दुई जनालाई भने सामान्य चोट लागेको छ ।

पत्रकार सम्मेलनमा प्रश्न सोध्ने क्रममा अख्तियार प्रमुख कार्कीले अपशब्द प्रयोग गरेपछि पत्रकारहरु बिरोधमा उत्रिएका थिए । कार्कीको बिरोधमा पत्रकारहरुले कार्यालय अगाडि धर्ना दिएपछि कार्कीको निर्देशनमा उनीहरुलाई प्रहरीले पक्राउ गरेको हो ।

सुपारी तस्करी खुल्ला गरेको विषयमा प्रश्न सोधेपछि कार्कीले अपशब्द प्रयोग गरेका थिए । जिल्ला प्रशासन कार्यालयले सभाहलमा पत्रकार सम्मेलनको आयोजना गरेको थियो ।

कमल रिमाल, विराटनगर

प्रतिकृया दिनुहोस