कर्तव्य ज्यान अभियोगमा जेल सजाय भोगिरहेकी रुकुम रन्मामैकोट—२ कि ३५ बर्षकी लगन बिकले दुई महिना अघि कारागारमा जन्माएकी छोरी कुपोषणको शिकार भएकी छन् ।

कारागारको महिला बन्दी राख्ने साँघुरो चिसो कोठामा बस्दै आएकी लगन आफूले सुत्केरीले पाउने स्याहर त पाइनन् नै उनकी छोरी पनि छिंडीमा चिसो छिंडीमा सुत्न बाध्य छिन् ।

जन्मेकै दिनदेखि कठ्यांग्रिँदो चिसोमा बस्दै आएका आमा छोरीले घाम देख्न पाउँदैनन् । सबै एउटै कोठामा सुत्नेभएकोले पनि सुत्न समस्या परेको छ लगनले भनिन्, “चिसाले गर्दा रातभरी सुत्दैन, आगो बाल्ने दाउरा पनि छैन ।”

कारागारमा आफन्तहरु कोहि नआएपछि बालिकाको न्वारान पनि हुन सकेको छैन ।

६ महिना अघि जेल परेकी लगनका एक छोरा र एक छोरी काठमाण्डौस्थित बालगृहमा बस्दै आएका छन् ।

घरायसी विवादमा भाइबुहारी नाता पर्ने हुकाम–२ की ३७ वर्षीया जगतमाया विकको गत जेठ २० गते हत्या गरेको आरोपमा गर्भवती अवस्थामा लगन पक्राउ परेकी थिइन ।

जिल्ला अदालत रुकुमले गत बर्ष ३१ भदौमा उनलाई २० बर्ष कैद फैसला सुनाएको थियो ।

७० जना बन्दी रहेको कारागारमा ६ महिला र ६४ पुरुष कोचाकोच गरी बस्दै आएका छन् ।
लक्ष्मण केसी,रुकुम

प्रतिकृया दिनुहोस