एमाओवादीले समानुपातिकतर्फबाट सभासद बनाएका महोत्तरी सहसौला–६ का लालेन्द्रकुमार मण्डललाई सभासद पदको सपथ ग्रहण नगर्न नगराउन र उनलाई पक्राउ गरी कार्वाहीका लागि जिल्ला अदालत महोत्तरीमा उपस्थित गराउन माग गर्दै अधिवक्ता दिनेश त्रिपाठीले सर्वोच्च अदालतमा रिट दायर गरेका छन् ।

त्रिपाठीले ५ माघमा दायर गरेको रिटमा मण्डलको मुद्दा फिर्ता प्रक्रिया समेत अगाडि नबढाउन माग गरिएको छ ।

“कर्तव्य ज्यान मुद्दाका फरार अभियुक्तलाई सभासद बनाउनु दण्डहिनताको पराकाष्ठा हो,” अधिवक्ता त्रिपाठीले भने, “ यहाँ त उनीमाथिको मुद्दा नै फिर्ता पो होला कि भन्ने पनि डर छ, त्यसैले मुद्दा फिर्ता प्रक्रिया पनि अघि नबढाउन माग गरिएको छ ।”

मण्डलमाथि १६ भदौ २०६९ राति महोत्तरी सहसौला–६ का रामविलास मण्डलको हत्या गरेको अभियोग लागेको छ ।
जिल्ला अदालत महोत्तरीले मण्डललाई पक्रन आदेश जारी गरे पनि उनी खुलेआम हिंडदै आएका छन् भने एमाओवादीले सभासद समेत बनाएको छ ।

यो पनि पढौं :

हत्या अभियुक्त एमाओवादी सभासद

प्रतिकृया दिनुहोस