प्रकाश सिंह, बाजुरा

हिमपातले मध्य तथा सुदूरपश्चिमका हिमाली जिल्ला बझाङ्ग, हुम्ला, जुम्ला मुगु, बाजुरा, दार्चुला, बैतडी, अछाम लगायतको जनजीवन प्रभावित भएको छ । हिमाली क्षेत्रमा ४ माघदेखि नै हिउँ पर्न थालेको हो । अन्नबाली सुक्न लागेका बेला भएको हिमपातले किसानलाई भने खुशी तुल्याएको छ ।

हिमपातसँगै डाँडाकाँडा सेताम्य बनेका छन् । पाण्डुसैन र मार्तडीको बिचमा पर्ने पोरखे लेकमा धेरै हिमपात भएपछि सदरमुकामदेखि उत्तरी भेगमा पर्ने कोल्टिबजारमा दैनिक उपभोग्य सामान, खाद्यान्न बोक्ने खच्चड र मान्छेकोे आवतजावत समेत बन्द भएको छ ।

हिमपातले एक गाँउबाट अर्को गाँउसम्म जान र गाईबस्तु चराउन समेत समस्या परेको बाजुरा दहकोटका खम्म रोकायाले बताए ।

प्रतिकृया दिनुहोस