१२ माघमा सम्पन्न नेपाली कांग्रेस संसदीय दलको निर्वाचनमा सभापति सुशील कोइराला प्रतिद्वन्द्वी वरिष्ठ नेता शेरबहादुर देउवालाई हराउँदै संसदीय दलको नेतामा निर्वाचित भएका छन् ।

खसेको १९४ मतमध्ये कोइरालाले १०५ मत प्राप्त गरे भने देउवाले ८९ मतमात्र प्राप्त गरेका छन् । सभापति कोइराला र नेता देउवाको मतअन्तर १६ रहेको निर्वाचन समितिका संयोजक र पार्टी प्रवक्ता दिलेन्द्रप्रसाद बडूले जानकारी दिए ।

संसदीय दलका नेत चयन  भएपछि कोइरालाले लोकतान्त्रिक पद्धतिबाट मतदान सम्पन्न भएको प्रतिक्रिया दिँदै पार्टीलाई आफूले एकता, सहमति र सहकार्यको प्रक्रियाबाट एकढिक्का बनाएर लैजाने प्रतिक्रिया दिए ।

नेपाली कांग्रेसको विधान अनुसार संसदीय दलको नेता प्रधानमन्त्री पदको उम्मेदवार हुन्छ ।

————————————————————————————————————————–

कांग्रेस संसदीय दलको निर्वाचन जारी

कांग्रेस संसदीय दलको नेता चयनका लागि जारी निर्वाचनको क्रममा भोटिङ मसिन बिग्रिएपछि केहीबेरका लागि स्थगित भएको निर्वाचन पुन: शुरु भएको छ ।

हिमालखबर
आईतबार , १२ माघ २०७० १०:११ एम

१२ माघ विहानदेखि शुरु भएको कांग्रेस संसदीय दलको निर्वाचनमा १७ जनाले मत खसालेकोमा १६ मात्रै मत देखाएपछि निर्वाचन केहीबेरका लागि स्थगित भएको थियो ।

१७ जना सभासदले मतदान गरेकोमा मसिनले १६ भोट मात्र देखाउँदा समस्या आएको हो । अहिले पुन: मतदान शुरु भएको छ ।

सिंहदरबास्थित संसदीय दलको कार्यालयमा बिहान ९ बजेदेखि निर्वाचन शुरु भएको हो ।

संसदीय दलको नेता बन्न सभापति सुशील कोइराला र नेता शेरबहादुर देउवा प्रतिस्पर्धामा छन् ।

१९४ सभासद् रहेको कांग्रेसमा जित्नेले ९६ मत पाउनुपर्नेछ ।

यसअघि संसदीय दलको नेताका दावेदार उपसभापति रामचन्द्र पौडेलले सभापति कोइरालालाई सहयोग गर्ने भन्दै उम्मेदवारी दिएनन् ।

कार्यवाहक सभापतिको जिम्मेवारी पाउने सभापति कोइरालाको आश्वासनपछि पौडेल प्रतिस्पर्धाबाट बाहिरिएका हुन् ।

प्रतिकृया दिनुहोस