पार्टी कार्यालय बल्खुमा २१ साउनमा बसेको स्थायी समिति बैठकले ओलीको भ्रमणलाई उपलब्धिमूलक भएको ठहर गरेको सचिव शंकर पोख्रेलले जानकारी दिए ।

उपलब्धिमूलक भनिएपनि भ्रमण कसरी र किन उपलब्धिमूलक भएको भनेर एमालेले प्रष्ट पारेको छैन । बैठकले सरकार विरुद्ध आन्दोलन चर्काउने निर्णय समेत गरेको छ । सत्तारुढ दल सहमतिका लागि तयार नभएको निष्कर्ष निकाल्दै एमालेले आन्दोलन सशक्त पार्ने निर्णय गरेको हो । एमाले सचिव शंकर पोख्रेलले एनेकपा माओवादी र मधेशवादी दल आफ्नै अडानमा रहेकाले आन्दोलनको विकल्प नभएको बताए । उन्ले भने, “उनीहरु सहमतिका लागि तयार हुने लक्षण नदेखिएकाले आन्दोलनमा नै जाने निष्कर्ष निकालेका छौं ।”

एमालेले राजनीतिक सहमतिका लागि पार्टीको भूमिका अझै सशक्त हुनुपर्नेमा पनि जोड दिएको छ । राजनीति सकारात्मक दिशामा अघि नबढेको ठहर गर्दै एमालेले पार्टीको भूमिका अझै सशक्त बनाउने निर्णय गरेको पोख्रेलले जानकारी दिए ।

प्रतिकृया दिनुहोस