बाँसबारीस्थित नेसनल इन्स्टिच्युट अफ न्युरोलजिकल एन्ड एलाइड साइन्स (न्यूरो अस्पताल) मा उपचाररत पूर्व प्रधानन्यायाधीश विश्वनाथ उपाध्यायकको १६ माघ राति निधन भएको अस्पतालले जनाएको छ । उपाध्याय २०४७ सालको संविधान मस्यौदा समितिका अध्यक्ष थिए ।

८४ वर्षीय उपाध्यायलाई मस्तिष्कघात (ब्रेन ह्यामरेज) भएपछि ११ माघमा अस्पताल भर्ना गरिएका थिए । उनको उपचार बरिष्ठ चिकित्सक डा. उपेन्द्र देवकोटाको टोलीले गरेको थियो ।

उपाध्यायको मस्तिष्कमा रगत जमेको र जमेको रगत हटाउन आकस्मिक शल्यक्रिया समेत गरे पनि उमेरको कारण ठूलो स्तरको शल्यक्रियालगायतका थप उपचारमा कठिनाइ भएको अस्पतालले यसअघि जनाएको थियो ।

पछिल्लो समय चेतना शक्ति ह्रास हुँदै गएर उनी अचेत थिए । उपाध्यायका ४ छोरा छन् ।

प्रतिकृया दिनुहोस