१९ माघ राति जिल्ला प्रहरी कार्यालय महोत्तरीको गस्ती टोलीलाई लक्ष्यित गरी सशस्त्र समूहले गरेका गोली प्रहारको प्रतिकारमा मारिएका व्यक्ति जिल्लाकै रामगोपालपुर–१ का असगर जयकावल भनिने जकाउल्ला नदाफ रहेको प्रहरीले पुष्टि गरेको छ ।

मारिएको चार दिनपछि पहिचान खुलेका ३० वर्षीय असगरको शव नजिक प्रहरीले दुई थान पेस्तोल र नेपाल तथा भारतीय गरी चारवटा सिमकार्ड बरामद गरेको थियो ।

नदाफ पछिल्ला पाँच वर्षयता विभिन्न सशस्त्र समूहमा सक्रिय रहँदै आपराधिक गतिविधि सञ्चालन गर्दैआएको र उनीविरुद्ध पाँच वटा अपहरण र एउटा हत्याको अभियोग दर्ता रहेको जिप्रका महोत्तरीले जनाएको छ ।

गत १२ साउनमा महोत्तरी सरपल्लोका विक्रम सहनीको हत्या र वैशाखयता भएका अपहरणका घटनामध्ये पाँचवटामा उनको प्रत्यक्ष संलग्नता भेटिएको प्रहरी नायब उपरीक्षक राजेन्द्रबाबु रेग्मीले जानकारी दिए ।

असगर प्रहरीको सर्वाधिक खोजीको सूचीमा रहेका थिए । उनको शव २२ माघमा परिवारजनलाई बुझाइएको प्रनाउ रेग्मीले जानकारी दिए ।

प्रतिकृया दिनुहोस