कांग्रेस नेता गगन थापाले अघिल्लो संबिधानसभामा भएका सहमतिहरुको वर्तमान संविधानसभाले स्वामित्व लिने वा नलिने भन्ने बारे संविधानसभाभित्रै एक महिनासम्म छलफल गरी सजिलै टुंग्याउन सकिने धारणा व्यक्त गरेका छन् । उनले स्वामित्व ग्रहणबारे निर्णय लिने सजिलो बाटो हुँदाहुँदै पनि यसलाई अनावश्यक रुपमा नेताहरुले जटिल बनाउँदै लगेको आरोप समेत लगाए ।

चावहिलमा आयोजित सभासदहरुको अभिनन्दन कार्यक्रममा बोल्दै थापाले व्यवस्थापिका संसदमा सभामुख र संबिधानसभामा छुट्टै अध्यक्ष भएमा संबिधान सभाको कामकारवाही अगाडि बढाउन सहज हुनेमा जोड दिए ।

उनले एक वर्षभित्रै लोकतान्त्रिक संबिधान बनाउने र सामान्य बहुमतले संबिधानसभाको अध्यक्ष हटाउन सक्ने प्रावधान राखी एमाओवादी अध्यक्ष पुष्पकमल दाहाललाई संविधानसभाको अध्यक्ष बनाएमा संविधान निर्माणमा सहजता आउने पनि बताएका थिए ।

प्रतिकृया दिनुहोस