विश्वविद्यालयका समस्या समाधानका लागि आफ्ना मागहरु पूरा नगरेको भन्दै वैद्य माओवादी निकट अनेरास्ववियु क्रान्तिकारीले पूर्वाञ्चल विश्वविद्यालयका उपकुलपति महेश्वरमान श्रेष्ठको गाडीमा काठमाडौं सिनामङ्गलस्थित सम्पर्क कार्यालय नजिक तोडफोड गरेको छ । उपकुलपति श्रेष्ठ विश्वविद्यालय अनुदान आयोगका पदाधिकारीसँग थप अनुदानका बारेमा बैठकका लागि सम्पर्क कार्यालय जाँदै थिए ।

महानगरीय प्रहरी वृत्त गौशालाका प्रहरी नायब उपरीक्षक अपीनारायण काफ्लेले चढिरहेको गाडीमा एक्कासि केही युवाले ढुङ्गा प्रहार गर्दा अगाडिको सिसा फुटेको र उनीहरूले सम्पर्क कार्यालयको झ्यालमा पनि ढुङ्गा प्रहार गरेको बताए । घटनामा संलग्न एक विद्यार्थीको मोबाइल टेलिफोन र कापी प्रहरीले नियन्त्रणमा लिएको छ ।

क्रान्तिकारीका केन्द्रीय सदस्य नरेन्द्र विकले आफूहरूले विश्वविद्यालयभित्रको अन्योल र अनियमिततालगायत विषयलाई सम्बोधन गर्न १४ माघमा दिएको पन्ध्रबुँदे ज्ञापनपत्रको सुनुवाइ नभएकाले आन्दोलनमा उत्रनुपरेको बताएका छन् ।
रासस

प्रतिकृया दिनुहोस