राजधानी काठमाडौं पस्ने मुख्य सडक नाका नागढुंगा नौविसे सडक मर्मत भइरहेको भन्दै सरकारले २६ माघखदेखि लागु हुने गरी उक्त सडकमा राति सवारी साधन नचलाउन यातायात व्यवसायीलाई आग्रह गरेको छ ।

यसका लागि सडक विभागले आजै ट्राफिक प्रहरी र स्थानीय सुरक्षा निकायलाई आग्रह गरिसकेको छ । विभागको आग्रहअनुसार नागढुङ्गा– नौबिसे सडक खण्ड मर्मतका लागि यातायात व्यवसायीलाई सवारी नचलाउन भनिएको ट्राफिक प्रहरीका प्रवक्ता वसन्तकुमार पन्तले जानकारी दिए ।

नागढुङ्गा–नौबिसे सडक अन्तर्गत एक हजार ५०० भन्दा बढी स्थानमा ढलान गर्नुपर्ने भएको कारणले गर्दा राति सवारी साधन नचलाउन आग्रह गरिएको डिभिजनल इन्जिनियर (डिइ) हरिप्रसाद पोखरेलले जानकारी दिए ।

प्रधानमन्त्री कार्यालयका सचिव कृष्णहरि बाँस्कोटाको निर्देशनअनुसार राति सवारी साधन नचलाउन र सडक मर्मतको काम तीव्र पार्न लागिएको हो ।
रासस

प्रतिकृया दिनुहोस