त्रिवि कार्यकारी परिषदको २९ माघमा बसेको बैठकले वरिष्ठताको आधारमा  अस्पतालका ईएनटी विभाग प्रमुख डा. श्रीवास्तवलाई नयाँ डिन नियुक्त गरेको परिषद् स्रोतले  हिमालखबरलाई जानकारी दिएको छ ।
वरिष्ठताको आधारमा डिन नियुक्ति लगायतकामा माग राखेर आईओएमका प्रा.डा गोविन्द केसीले आमरण अनसन गरेका छन् । यसअघि डिन नियुक्तिमा आनाकानी गर्दै आएको परिषद्ले प्रधानमन्त्री सुशील कोइरालाले २४ घण्टे अल्टिमेटम दिएपछि नयाँ श्रीवास्तवलाई नियुक्त गरेको हो ।

यसैबीच परिषदले त्रिवि शिक्षण अस्पताल, महाराजगञ्जको निमित्त कार्यकारी निर्देशकबाट डा. रतिन्द्र श्रेष्ठलाई वर्खास्त समेत गरेको छ । परिषदले निमित्त कार्यकारी निर्देशकको जिम्मेवारी उपनिर्देशक डा. इश्वर लोहनीलाई दिने निर्णय गरेको छ ।

प्रतिकृया दिनुहोस