तस्वीरः सविता श्रेष्ठ/चितवन

बिना विभागीय मन्त्री महतले एमालेसँग सातबुँदे सहमति बाहेक अरु कुनै सहमति नभएको दावी गरेका हुन् । चितवनमा शुरु भएको राष्ट्रिय औद्योगिक प्रदर्शनीको १ फागुनमा उदघाटन गर्दै उनले गृह मन्त्रालयलाई एमालेलाई दिने कुनै सहमति नभएको दोहोर्‍याए ।

उनले भने, “गृह मन्त्रालय कसले लिने भन्ने बारे थप छलफल हुनेछ ।” तर, उनले एमालेले राखेको अडान अस्वभाविक नभएको बताए ।

“पार्टीका आ–आफ्ना अडान हुन्छन्,” उनले भने, “त्यसैले, एमालेले राखेको अडान अस्वभाविक होइन ।” उनले एमाले सरकारमा सहभागी हुने पनि विश्वास व्यक्त गरे ।

उनले एक वर्षभित्र संविधान निर्माण भइसक्ने दावी गरे । “एक वर्षभित्र संविधान बनेर जारी हुन्छ, ढुक्क हुनुहोस्,” उनले भने ।

उनले ६ महीनाभित्र स्थानीय निकायको निर्वाचन गर्ने पनि बताए । उनले स्थानीय निकायको निर्वाचनले संविधान निर्माणमा कुनै असर नपार्ने पनि दावी गरे ।

सविता श्रेष्ठ, चितवन

प्रतिकृया दिनुहोस