बाथ र युरिक एसिडको समस्याका कारण धापासीस्थित ग्रान्डी अस्पतालमा उपचार गराइरहेका ओलीको स्वास्थ्यमा सुधार आएको छ । १० फागुनदेखि उपचार गराइरहेका उनको स्वास्थ्यमा सुधार आएपछि थप उपचारका लागि भारत जान नपर्ने भएको छ ।

उनको स्वास्थ्यमा सुधार आएको उपचारमा संलग्न चिकित्सकले बताएको ओलीका स्वकीय सचिव रमेश पौड्यालले जानकारी दिए । अस्पतालबाट घर गएपछि राजनीतिक भेटघाट, बढी दौडधुप गर्दा बाथ र युरिक एसिडको समस्या बल्झने भएकाले अस्पतालमा नै आरामका लागि राख्नुपर्ने चिकित्सकले सल्लाह दिएको उनले बताए ।

“उहाँको स्वास्थ्यमा धेरै सुधार भएको छ,” ओलीका स्वकीय सचिव पौड्यालले भने, “अस्पतालमा बसेको पार्टीको स्थायी कमिटीको बैठकमा समेत उहाँ उपस्थित हुनुभयो ।”
रासस

प्रतिकृया दिनुहोस