कारागारमा पत्रकार उमा सिंह हत्या प्रकरणमा कैद सजाय भोगिरहेकी ललिता सिंहलाई भेट्न आउने सीमावर्ती भारतको सीतामढी कृष्णनगर बस्ने ३० वर्षीय रीता सिंह र सीतामढीकै महुआवा का २५ वर्षीय नवीन सिंह दुई थान चाइनिज पेस्तोलको गोलीसहित १३ फागुन दिउँसो पक्राउ परेका कारागार प्रशासनले जनाएको छ ।

झोलामा कागजले बेरेर लुकाई कारागार गेटमा भेट्न जाने तरखरमा रहेका दुवैलाई कारागार सुरक्षा पोस्टका प्रहरीले जाँच गर्दा गोली बरामद भएको हो ।

दुवैबारे आवश्यक सोधपुछ र अनुसन्धान शुरु भएको जिप्रका महोत्तरीले जनाएको छ ।

यसैबीच, प्रहरीले कारागारमा हतियार वा अन्य विस्फोटक सामग्री भित्रिएको हुनसक्ने आशङ्कामा व्यापक खोजबिन गरिरहेको जिप्रकाका प्रहरी निरीक्षक शम्भु बरालले जानकारी दिए ।
रासस

प्रतिकृया दिनुहोस