नेपाली कांग्रेस ७ चैतदेखि ‘मेची महाकाली जागरण अभियान’ संचालन गर्ने भएको हो । कांग्रेस केन्द्रीय नीति तथा प्रशिक्षण प्रतिष्ठानले संचालन गर्ने अभियान चौध अञ्चलमै हुनेछ ।

पाँचौं गिरिजाप्रसाद कोइराला स्मृति दिवसको अवसर पारेर झापा बिर्तामोडबाट शुरु हुने अभियान काठमाडौंमा पुगेर ३० चैतमा सकिने छ । कार्यक्रम सबै अञ्चल, जिल्ला, निर्वाचन क्षेत्र, नगर/गाविस र वडा तहसम्म पुर्‍याइने कांग्रस उपसभापति रामचन्द्र पौडेलले जानकारी दिए ।

कार्यक्रममा प्रत्येक निर्वाचन क्षेत्रबाट एक जना महिला सहित ३ जनाको सहभागिता हुनेछ । संविधानसभा निर्वाचनपछि उत्पन्न परिस्थिति र घटनाक्रमबारे यथार्थ जानकारी, पार्टीको आदर्श, नीति, सिद्धान्त तथा समसामयिक राजनीतिका मुद्धाहरुबारे कार्यकर्तालाई प्रशिक्षित गराउन अभियान संचालन गर्न लागिएको उनले बताए ।

प्रतिकृया दिनुहोस