गुल्मीको ठूलोलुम्पेकबाट बुटवलतर्फ जाँदै गरेको लु १ ज १९५८ नम्बरको जीप दुर्घटना हुँदा ठूलोलुम्पेक ३ का ६४ वर्षीय सन्त बहादुर राहाडी र उनकी श्रीमती ६९ वर्षीया ठगीमाया राहाडी को मृत्यु भएको छ । उनीहरुको उपचारका लागि पाल्पा लैजाँदै गर्दा बाटैमा मृत्यू भएको हो ।

जीप बुटवलका लागि छुटेको केही समयमै ठूलोलुम्पेक ३ कुँडार भन्ने ठाउँमा ५० मिटर तल खस्दा अन्य ११ जना घाईते भएको स्थानीय जीतु तरामुले बताए । दुर्घटनामा घाईते ४ जनाकोे लुम्बिनी मेडिकल कलेजमा उपचार भैरहेको छ ।

सामान्य अबस्थामा रहेकाहरुमा चालक ग्वादीका डम्मर कुँवर, ठूलो लुम्पेक ३ का तेजमान राहादी, ओम राहादी, सुशील कुँवर, सुशील रुचाल ,गाडी धनि नर प्रसाद थापा, ठूलो लुम्पेक ४ का टोफा पुलामी र बुटवल तामनगर निबासी देउ बहादुर राहादी मगरको रुरु प्राथमिक स्वास्थ्य केन्द्रमा उपचार भैरहेको छ ।

घटनास्थल सदरमुकाम तम्घासदेखि १४ कोष टाढा पूर्वमा पर्छ । ब्रेक फेल भएर गाडी खसेको चालकले बताएपनि प्रहरीले भने दुर्घटनाबारे अनुसन्धान भैरहेको बताएको छ ।

गगनशिला खड्का, गुल्मी

प्रतिकृया दिनुहोस