एचआइभीएड्सको संक्रमण रोकथामको पक्षमा काम गर्दै आइरहेको कञ्चनपुरको फेथ नामक गैरसरकारी संस्थाको तथ्याङ्कमा सुदूरपश्चिममा हालसम्म एड्सको संक्रमणका कारण ३५८ जनाको मुत्यु भएको छ ।

फेथका संयोजक नवराज पाण्डेयका अनुसार मृत्यु भएका अधिकांश रोजगारीका लागि भारतबाट फर्किएका व्यक्ति रहेका छन् । भारतबाट रोजगारी गरी फर्केकाहरुले घर फर्कंदा एचआइभी सङ्क्रमित भएर आउने र यहाँ आएर समयमै उपचार नगरेका कारण उनीहरुको मुत्यु भएको संयोजक पाण्डेयले जानकारी दिए ।

संक्रमित हुनेहरुमा सबैभन्दा बढी अछाम जिल्लाका छन् ।

संयोजक पाण्डेयले नेपालमै काठमाडौँपछिको दोस्रो एचआइभी  केन्द्र सुदूरपश्चिम बन्दै गएको बताए ।

रासस

प्रतिकृया दिनुहोस