क्रान्तिकारी पत्रकार संघ, दाङले ११ भदौमा घोराहीमा आयोजना गरेको पत्रकार भेटघाट कार्यक्रममा बोल्दै मन्त्री पुनले यस्तो धारणा राखेका हुन् । एमाओवादी अध्यक्ष पुष्पकमल दाहालले भने ललितपुरमा आयोजित कार्यक्रममा कांग्रेसको नेतृत्वमा कुनै हालतमा सरकार बन्न नसक्ने बताएका थिए ।

एमाओवादी स्थायी समिति सदस्यसमेत रहेका मन्त्री पुनले संघीयता, धर्मनिरपेक्षता र समावेशिता सुनिश्चित हुनेगरी संविधान जारी हुने ग्यारेन्टी भएमा आफूहरु एकछिन पनि सरकारमा नबस्ने दाबी गरे । पुनले संविधान निर्माणका लागि संविधानसभाको चुनाव वा छोटो समयका लागि संविधानसभा पुनःस्थापना गरेर जानु नै अहिलेको विकल्प भएको बताए ।

संविधानसभा विघटनपछि कामचलाउ अवस्थामा पुगेको सरकारले राजीनामापछि आउने सरकार झनै टिकेमात्र हुने पुनको भनाइ छ । संविधानसभाले टुंग्याएका विषयहरुलाई यथावत् राख्दै नमिलेका बाँकी विषयहरुमा जनतामा जान पनि सकिने भन्दै मन्त्री पुनले सहमति भए राष्ट्रपतिबाट बाधा अड्काउ फुकाई अघि बढ्न सकिनेसमेत बताए ।

देशभर १५ हजार स्वास्थ्यकर्मीहरुको कोटा खाली रहेको र केही समयपछि संवैधानिक निकाय नै खाली हुने अवस्था आएको भन्दै मन्त्री पुनले त्यसलाई व्यवस्थित गर्न अध्यादेश जरुरी पर्ने बताए ।

यसैबीच अर्थमन्त्री पुनसँग उद्योग वाणिज्य संघ, दाङले जिल्लाको उद्योग, व्यवसाय र विकास निर्माणका विषयमा छलफल गरेको थियो ।

देविका घर्ती मगर, दाङ

प्रतिकृया दिनुहोस