बर्दिया राष्ट्रिय निकुञ्जमा खटिएको नेपाली सेनाको रम्मापुर चेक पोष्टले मगरागडी–हर्नवा सामुदायिक बन हुँदै शिकार खेल्न निकुञ्ज प्रवेश गर्न लागेका बेला टुटु १ थान र ट्वेल्भ बोर १ थान सहित ५ जनालाई २४ चैत राती पक्राउ गरेको जनाएको छ ।

पक्राउ परेकाहरु २ थान बन्दुक, ३१ राउण्ड गोली, सर्च लाईट, बन्चरो लिएर बा २ च ८४२३ नम्बरको जीपमा काठमाडौँ बाट आएको निकुञ्जले जानकारी दिएको छ ।

पक्राउ पर्नेहरुमा काठमाडौँ बिशाल नगरका ७५ वर्षीय नेत्रशम्शेर जबरा, ४९ वर्षीय सञ्जय मल्ल, जीप चालक सितापाईलाका ३२ वर्षीय विष्णु महर्जन, बर्दिया मगरागडी– १ का ५८ वर्षीय बुधराम थारु र ५८ वर्षीय मिहीया थारु रहेको निकुञ्जका सहायक संरक्षण अधिकृत अशोक भण्डारीले बताए ।

सामुदायिक वनभित्रै बा २ च ८४२३ नम्बरको जीप रोकेर हतियार सहित निकुञ्ज प्रवेश गर्न लागेको आवस्थामा उनीहरुलाई पक्राउ गरेको सेनाले जनाएको छ ।

पक्राउ परेका पाँचै जनालाई निकुञ्ज मुख्यालय ठाकुरद्वारा लगिएको छ ।

जनावर मारेको फेला नपरेपनि उनिहरु बंदेलको शिकार गर्न सामुदायिक वन र निकुञ्ज भित्र जान लागेको भन्ने सोधपुछका क्रममा खुलेको निकुञ्जले जनाएको छ ।

भावुक योगी, बर्दिया

प्रतिकृया दिनुहोस